Kazu Arma Branka

Iha dia 11-8-2025, oras tuku 15:50 Otl. Iha Binagua, Aldeia Lualari, Suco Samalari, Posto Adm Laga, Munisipio Baucau. Membru familia hela iha uma hanesan mak envolve (maun alin rasik). Iha akontesimentu ida membru familia hela iha uma hanesan (maun alin rasik) mak halo agresaun fisiku ba malu, hemu tua lanu no ta'a malu. Tuir fontes informasaun katak insidente ne akontese wainhira suspeitu ho vitima no testemunia sira nain tolu hemu tua mutin jerquen rua ho aqua bot ida iha sira nia uma Binagua to'o iha oras 15:00 Otl, vitima ho suspeitu sira diskute malu konaba kultura tamba lanu hotu ona nebe la rona malu entaun vitima buti tama suspeitu nia matan, rejulta suspeitu senti matan moras kanek oituan entaun foti katana iha odamatan sorin derepente ta'a deit vitima, rejulta vitima hetan kanek nakles iha nia ulun leten fatin ida, kanuruk fatin ida no ain kabun nia sorin parte karuk iha fatin rua, vitima depois hetan ta'a nia halai no familia balun mak salva uza kareta privadu lori ba Centru Saude Laga. Kazu ne mai registu iha Polisia Esquadra Laga no PNTL Laga mai registu ona iha Ministeriu Publico Baucau ba prosesu tuir mai.