Hatama Relatóriu Insidente

ITA IHA INFORMASAUN KONA-BA INSIDENTE VIOLÉNSIA RUMA?

Belun interese atu rona husi ita kona-ba insidente violénsia sira ne’ebé ita rasik haree ho matan ka informasaun kona-ba insidente ruma ne’ebé ita iha. Se hakarak, ita sei sai nafatin anônimu (ema la hatene ita). Belun rekolla dadus kona-ba insidente violénsia fíziku no naun-fíziku (inklui ameasa no agresaun verbal). Belun la rekolla insidente sira kona-ba asaltu ba an rasik (ezemplu, oho-an) ka asidente. Informasaun hotu ne’ebé haruka liu husi formatu ne’e sei revista husi Belun nia staff no verifika husi Monitorizador Atensaun no Responde Sedu molok atu publika.

Belun interese atu simu informasaun kona-ba insidente violénsia iha Postu Administrativu sira ne’ebé Sistema AtReS kobre: Aileu (Aileu Vila, Laulara, Remexio), Ainaru (Ainaro Vila, Hatu-Udo, Maubisse), Baukau (Baukau Vila, Laga, Vemasse), Bobonaru (Atabae, Balibo, Maliana), Covalima (Suai, Tilomar, Zumalai), Dili (Atauro, Cristo Rei, Dom Aleixo, Metinaro, Nain Feto, Vera Cruz), Ermera (Gleno-Ermera, Hatolia, Letefoho), Lautein (Lautem-Mouro, Lospalos, Tutuala), Likisá (Bazartete, Likisá Vila, Maubara), Manatutu (Laclo, Laleia, Manatutu Vila), Manufahi (Alas, Fatuberliu, Same), Oekusi (Nitibe, Oesilo, Pante Makasar, Passabe) no Vikeké (Ossu, Uatulari, Vikeké Vila).

Favór hakerek saida de’it mak ita hatene kona-ba insidente iha kaixa ne’e, ho nune’e Belun nia Monitorizador sira bele halo verifikasaun ho detallu. Informasaun sira ne’e espesifikamente krusiál ho nune’e ami presiza verifika insidente ho loloos:

  • Insidente akontese iha ne’ebé? (Aldeia, Suku, Postu Administrativu, Munisipiu ida ne’ebé, no sst)
  • Hori-bainhira mak insidente ne’e akontese? (data no maizumenus oras akontesimentu)
  • See mak envolve iha insidente ne’e? (Belun sei la publika naran ka identidade detallu husi ema sira ne’ebé mak envolve iha insidente)
  • Saida mak akontese no oinsá mak insidente ne’e akontese? (Esplika saida mak akontese ho detallu no fó kronolojia insidente).
  • Númeru telefone ka diresaun email ruma ne’ebé ami bele kontaktu ba ita atu hetan informasaun kle’an liu, karik presiza. OPSIONÁL